Surkh

Chatak gyi chatt ek pal me, mil gayi dharti me
Zindagi ka safar hua aadha, kya ek galti se
Dhool hai meri sanson me, pathar hain mere haathon pe
Ye gufa hi meri kabr hai, koi vida kro mujhe jaldi se

Chaaron aur dikhti mujhko daraare hain
Mujh se bhi khokhli lgta ye deeware hain
Sapne toote hain saare, apne roothe hain saare
Har pathhar, ek nishana, sir par foote hain saare

Ek kadam upar, 2 kadam neeche
Sihr-kari zameen ki, apni aur kheeche
Kabhi udna tha mujhko, aaj chalna bhi manjoor nhi
Dharti ke neeche milunga, wo waqt door nhi

Mujhe milna hai, us se, jisne likha nawishta mera
Kyu kiya har unhoni se, itna gehra rishta mera
Roshni ka bhi mujhe dekhne ka, lgta nhi rawayia
Mujhe to Kabool thi, surango ki bhi bhool bhulayia
Dhasa hu itna neeche ki koi umeed ab baaki nhi
Na ab chlegi vinti, na ab chlega rupayiaa

Koi agla padaav na ho, Bs mitti hi ho ant,
Mann bhar gaya is bhesh se, kbhi dikhi na ise basant
In panktiyon se kisi ka bhi jazba nhi jalega
Pahunchegi jis tak bhi wo, aashiq surkh ka banega